Хонлутен 60 – өкпенің және бронхтардың шырышты қабатының биорегуляторы

Тыныс алу жүйесі - оттегіні байланыстыруға және ішкі тыныс алу нәтижесінде пайда болған көмірқышқыл газын шығаруға мүмкіндік беретін құрылымдардың жиынтығы.Орталық мүше - бұл жүректің екі жағында орналасқан өкпе.Өкпе аурулары патологиялық процесстердің дамуына ықпал етеді, сәйкесінше қандағы оттегі азаяды. Бұл өкпе көлемінің төмендеуіне және өмір сүру сапасын едәуір төмендететін тыныс алу жетіспеушілігінің дамуына алып келеді. Түрлі аурулардан кейін туындайтын өкпедегі патологиялық өзгерістерді қалыпқа келтіру және түзету үшін тыныс алу органының биорегуляторы - Хонлутен әзірленді.

Хонлутен - бұл аминоқышқылдары бар пептидтік кешен, ол өкпе мен бронхтың шырышты қабат жасушаларының функциясын  қалпына келтіреді.

Клиникалық зерттеулер инфекциялық және инфекциялық емес текті жедел және созылмалы респираторлық аурулар кезінде өкпе мен бронхтар функциясының бұзылысы бар науқастарды кешенді емдеу және алдын-алу үшін, сондай-ақ, қарт және егде жастағы адамдарда тыныс алу қызметін сақтау үшін Хонлутен тиімділігін анықтады.

Тыныс алу жетіспеушілігі мен өкпесі зақымданған науқастарда дәстүрлі терапияға қосымша ретінде Хонлутенді курспен қолдану, денсаулық жағдайының жақсаруына, жөтелу мен тұншығу ұстамалары жиілігінінің азаюына, қақырық шығуының жеңілдеуіне және физикалық көрсеткіштердің артуына ықпал ететіндігі анықталды. Сырылдың азаюы, қақырық мөлшерінің азаюы оң динамика байқатып, жалпы аурудың қабыну белгілерінің төмендеуін көрсетті.

Жоғары санаттағы спортшылардың жарысқа дайындық процесінде Хонлутенді пайдалануы аэробты қуат пен оттегі пульсінің көрсеткіштерін арттыруына, тыныс алу резервтерін ұлғайтуға мүмкіндік берді. Бастапқы деңгеймен салыстырғанда тек физикалық жұмысқа қабілеттілік қана артып қоймай, спорттық маусымның соңына дейін сақталып тұрды. Зерттеу нәтижесінде, Хонлутен өкпе тінінің негізгі жасушалық элементтерінің функционалдық белсенділігін ынталандыру қабілеті бар екендігі, кенеттен жасушалық өлім деңгейін төмендету мүмкіндігі бар екендігі көрсетілді. Осылайша, препарат өкпе және бронхтық тіндерге трофикалық және тұрақтандырушы әсер етеді және оның функциясын жақсартады.

Рыжак Г.А. РМҒА СББ Санкт-Петербургтің биорегуляциясы және гертонология институты директорының ғылыми жұмыс және жаңа технологиялар жөніндегі орынбасары, медицина ғылымдарының докторы, профессор.

Горгиладзе Д. А. Peptides ғылым жөніндегі директордың орынбасары